Orka er gjaldmiðill
lífsins
Hún speglast í því sem við erum, gerum og berum — og í því sem verður eftir fyrir það sem skiptir máli.
ORKUBÓKHALDIÐ
Lífið er lag
Lífið er ekki kyrrstaða. Líkt og tónlist byggist það á hreyfingu — takti, spennu og lausn, virkjun, hvíld og mikilvægum pásum. Til þess þarf orku.
Heilsa felst ekki í því að halda sama tóninum stöðugt, heldur að geta hreyfst með því sem lífið ber að höndum, jafnað sig og fundið aftur taktinn.
Staldraðu við
Dugar orkan fyrir lífið sem þú vilt lifa — eða hefur lífið þurft að laga sig að þeirri orku sem þú hefur úr að spila?
Hvatberar í aðalhlutverki
Hvaðan kemur orkan?
Á bak við hverja hugsun, hvert skref og hvern hjartslátt þarf stöðugt orkuframboð.
Í hvatberunum umbreyta frumurnar orkugjöfum og súrefni í ATP — nýtanlega orku frumunnar og vatn.
Hvatberar eru sérstaklega margir þar sem orkuþörfin er mikil, eins og í heila, hjarta, lifur, eggjastokkum og vöðvum.
.png)
.png)
.png)
.png){kind=small}
Orkugjafi (fita eða kolvetni) + súrefni = ATP + vatn
37 billjónir frumna vinna saman að því að halda þér á lífi
.png)
.png)
Fruma
Vefir
Líffæri
Líffærakerfi
Manneskjan
Hvatberi
Orku batteríið
Orkan er ekki ótakmörkuð. Batteríið táknar heildarburði líkamans — hversu mikið kerfið hefur úr að spila.
En stærð batterísins segir ekki hvernig orkubókhaldið lítur út.
Grunnútgjöldin koma fyrst
Grunnreksturinn heldur kerfinu gangandi — öndun, blóðþrýstingur, hitastig, blóðsykursstjórnun og vökvajafnvægi.
Þegar álag eykst kostar meira að halda jafnvægi.
Því dýrari sem reksturinn er, því minna verður eftir fyrir lífið.
Orka til að lifa og njóta
Það sem stendur eftir er orkan sem þú finnur fyrir í daglegu lífi — í líðan, skerpu, úthaldi og frelsi til að taka þátt.
Varaforðinn skapar rými fyrir uppbyggingu, viðhald og viðgerðir.
Betri heilsa krefst þess að orkubókhaldið skilji eftir rými fyrir bata og uppbyggingu.
Hvað mótar orkureksturinn?
Til að skilja betur hvað nótar þennan grunnrekstur þurfum við að fara undir yfirborðið
Öll kerfi líkamans taka þátt í orkurekstrinum. Taugakerfið, ónæmiskerfið og efnaskiptin eru þó í lykilstöðu.
Þau nema stöðuna, samhæfa viðbrögð og forgangsraða orkunni.
Saman setja þau tóninn fyrir daglegan orkurekstur.
Kerfin spila saman
Taugakerfið
Ónæmiskerfið
Efnaskipti og hormón
Bandvefurinn heldur kerfinu saman, veitir burði, mótar
flæði og miðlar boðum um líkamann.
Hann styður líka mörkin þar sem líkaminn mætir
umhverfinu — í húð, lungum og meltingarvegi.
Lífið verður léttara með dyggum stuðningi bandvefsins.
Bandvefurinn ber hljóminn
Dægursveiflan samhæfir kerfin eins og öflugur verkefnastjóri — hvað á að gerast, hvenær og í
hvaða röð.
Góður taktur tryggir hámarks virkni og endurheimt.
Takturinn setur tóninn
Líkaminn vinnur ekki í tómarúmi. Til að lifa af þurfum við stöðugt að lesa í aðstæður.
Umhverfið mótar bæði hegðun og heilsu.
Umhverfið setur sviðið
Geislar sólarinnar stilltu taktinn. Hreyfing og líkamlegar áskoranir byggðu burði. Fæða kom og fór. Tengsl gáfu öryggi. Streitukerfið hélt okkur á lífi.
Til að lifa af urðum við góð í að spara orku, við þráðum að tilheyra og við lærðum að bregðast hratt við hættu.
Við lærðum að lesa heiminn og stilla okkur af.
.png)
Í takt við náttúruna
Nútímaumhverfið heldur okkur stöðugt á tánum og er lítill hvati til að viðhalda líkamlegum burðum.
Við höfum 24/7 aðgang að afþreyingu í heimi sem aldrei sefur.
Okkur er ekki eðlislægt að stunda skipulagða líkamsrækt eða sneiða hjá orkuríkri fæðu — þvert á móti!
.png)
Gömul líffræði. Nýtt umhverfi
Í hvað fer þín orka?
Nútíma hvatbera-pressa
Hér er pælingin að hafa 2 alternating slides- önnur - hvað hvatberar/orkustöðvarnar okkar þurfa- og svo hvað nútímahvatberar standa frammi fyrir,
.png)